المكياج

موضوع: المكياج الأربعاء فبراير 13, 2008 2:14 am

هذه قصيده قريتها في أحد المواقع وحبيت أشارككم بيها

** المكياج **

يـا صانـع المكيـاج الله يجـازيـك
خليتني مخـدوع فـي شكـل خلـي

الله يحـرق مصنعـك مـع مبانيـك
والمعرض الموجـود في بيكاديلي

ادعي عسى تعمى وتنشـل رجليـك
هـذا دعائـي دوم لا جيـت اصلـي

خليتني اركـض ورا البنت هاذيـك
واشوفها اجمل غـرام ٍ حصـل لـي

قلبي عشقها ياحبيبي توماتيك
وان شافها قلبـي يرحـب يهلـي

هي رحبت بـي وقالـت الله يحييـك
وقالت هلا باللي عشق زيـن شكلـي

وقالت انا اجمل بنت في اللي حواليك
شف حسني الاخاذ وروجي العسلّـي

طالعتها ثـم قلـت هالقلـب يبغيـك
ومن شاف حسنك خلى غيرك يولـي

ابغي اشوفـك دون مكيـاج يكسيـك
وابغـي اشوفـك بالجمـال المحلـي

قالت تبينـي افـرك الوجـه تفريـك
واشيل هالبـودر وروجـي وكحلـي

قلت أي نعم قومي عسى الروح تفديك
ابغـي جمالـك هالطبيعـي يهـلّـي

قالت دقايق راجعـه لـك واراويـك
ذاك الجمـال اللـي لعينـك يسـلّـي

ويوم رجعت لي شربكتني الشرابيـك
وحسيت الارض تدور وانـا بمحلـي

الخد كنه ياحياتي سيراميـك
والوجه شارع مثـل شـارع حولـي

الوجـه كنـه بيـت كلـه شبابيـك
من هالحفر في وجهها اللـي يعلّـي

كلـه سبـب مكياجـك الله يجازيـك
خليتني مخـدوع فـي شكـل خلـي

ونصيحتي لكل شاب من غير تشكيك
لا لا تتسـرع ثـم تنغـش مثـلـي

اللـي بـلا مكيـاج خلهـا حواليـك
واللـي تحـط مكيـاج خلهـا تولـي

** أتمنى تنال على إعجابكم وما تزعل أحد **

موضوع: رد: المكياج الأربعاء فبراير 13, 2008 7:48 pm

في البداية حسبت الموضوع مكانه غلط

بس طلعت

خطيييرة

و صح لسانك

...

تحياتي

موضوع: رد: المكياج الجمعة فبراير 29, 2008 12:15 am

هههههههههه
من جد خطيره
حتى انا من الموضوع حسبت مكانها غلط
مشكوووووووور
نستنى جديدك

موضوع: رد: المكياج الجمعة فبراير 29, 2008 6:24 pm

موضوع رائع ... متى حدثت لك هذه الواقعة يا مسكين ؟؟
شكرا على النصيحة ما قصرت ...

موضوع: رد: المكياج الثلاثاء ديسمبر 30, 2008 3:46 pm

صراحة بيت شعر جنان ياريت تكتب عن الشباب كمان اللي أشكالهم شيف ويضحكو على البنات
دمت ودام عزكم