مصطلحات مكاوية مررررررررة قديمة

المركب---- المطبخ
الدقديق--- البطانية
الدحديرة---النزلة الجاااامدة
بيت الما --- الحمام الله يكرمكم
الدقلجة --- هادي البزرة لمن دوبها تتعلم المشي تمشي وتطيح وتقوم وتجلس
النقنقة+ التلبيبة + التصبيرة ---- كلها يقولها على الاكل الخفافي اللي بين الوجبات
عساك الفقدة البعيد --- يعني الله يضيعك ويشردك عننا
استمهل--- يعني على مهلك
الله يخرط بطنك ---- الله يجيبلك اسهال الله يكرمككم
الفرطحة --- هو اللي يتمدد لاشغلة ولا مشغلة زي الضرب على الركب
عافية ربي ---- يخوفو بيها الصغار وقت المطرة يسير يبطلو الشقاوة وينطقو في محلهم
حاجة مدردمة --- يعني مدورة
دندرمة ---- ايسكريم
ازنقك --- اعزقك
لاتقروشها --- يعني بلاشي من طول الكلام والهرج الكتير
امسك الجاااادة --- يعني امسك طريقك
الفرصعة +البحلقة + الفنجلة--- يعني زي ماتقول تفك عينك علين لمن بدها تسقط علشان تفجع البزورة
يدي اتملخت --- يعني اتلوت وانشتلت
امصع ادنك --- يعني افركها واقرصها علين تحمر
ترللي+ دخلنا خرجنا ---- يعني زي المـــجــــنـــون ما ياخدو على كلاااامو
ادمي فصوووولي ---- يعني يحب البكش والهرج معاه ما يزهق ولا يجيب الطفش
قلبو قااابض --- يعني اللي قلبو كافش وحاسس انو حتسير شغلة مو قد كدة
صدرو طاااابق ---- يعني مكتوم البعيد
الله يكتم نسمك --- يعني نفسك
الحق ----- يقولوه على العلبة
فاشوش+ فشنك --- يعني كل الهرجة على فااااضي مهي مستاهلة
الله يتبصر فيك يا بعيد ---- يعني الله يكافيك ويجازيك بحاجة مهي طيبة
اهبط ---- يعني افتر وانطق وبلاشي حركة زايدة
النفس---- العين والحسد
الاكل شرش ----- يعني ملحو زيااادة
اكشك بالشاهي ---- يعني ارش عليك الشاهي
اقدحو + اصنجو ---- يعني اضربو ولاترحمو
كفتو --- يعني كلبشه او اربطه
اكفش------ امسك
البلبعة ---- يعني يشرب وياخد حاجات مهي مفيدة او ضااارة
ادفس+ اترس في بطنك ---- يعني كل وملي البطن
الدسدسة----- الخشخشة ( تخبي الشيئ)
ورور+ اكة+ نجفة ----- الراجل الحلو الوسيم اللهم صلي على النبي
الهفقان ---- سرعة القلب من كتر الدقدقة
مرمش اللحمة ---- يعني فصفص وقطع وكل
كركرة---- الضحك والصهللة
طل + وايق --- يعني شوف بعينك
ابرشمك ---- يعني اخلط خلقتك في بعضها يسير ماتعرف الوجه من القفا
هات يدك --- يعني تعال ساعد وأفزع
تعال اطفح + طافوحلي+ اتسمم -----يعني تعال كل
برسيل ---- تايد
جافيه ---- الشامبو
دوا الغسيل ---- زي الكلوركس
مخمج---- معفن
مدخدخ+ مضخضخ ----- يعني وجعان وتعبان
بمبة ----- وردي
مستكاوي ---- نباااتي
تكبيس ---- المروخ ( التهميز)
امسد الشماخ ----- يعني اكويه
اخمش التوب في الطشت ------يعني غسل الثوب(الدشداشه)
سكتم بكتم + جرمة + هنا حفرنا هنا دفنا -----يعني سرك في بئر

مشكور أخوي

كلمات من جد قديمه .. ومع ذلك...لازال البعض منها يستخدم

الله يعطيك العافيه

مشكوووور على المصطلحات ...
و ترى قديمك نديمك .. Smile

أنا باستخدم بعضها ..

موضوع: موضوع حلو ... الأحد فبراير 03, 2008 5:56 pm

موضوع حلو مرررررره
والله يخليكم الا المصطلحات المكاويه
انا من اشد المعجبين بالكلام الحجازي
و قديمك ندييييييييييييييييييييمك
مع خالص تحياتي ....
مصطلحات مكاوية مررررررررة قديمة 47

يسلموووووووووووو على المصطلحات
من جد قديمك نديمك

الفرطحة --- هو اللي يتمدد لاشغلة ولا مشغلة زي الضرب على الركب

عافية ربي ---- يخوفو بيها الصغار وقت المطرة يسير يبطلو الشقاوة وينطقو في

محلهم

حاجة مدردمة --- يعني مدورة

دندرمة ---- ايسكريم <<<<<< ليش اول في عسكريم ؟؟

ازنقك --- اعزقك <<<<<<<<<<<< طيب نفسها

لاتقروشها --- يعني بلاشي من طول الكلام والهرج الكتير

امسك الجاااادة --- يعني امسك طريقك <<<<< برضه اضرب الدحلة

الفرصعة +البحلقة + الفنجلة--- يعني زي ماتقول تفك عينك علين لمن بدها تسقط

علشان تفجع البزورة

كلماااات مصرقعة من جد وحلوووة

يسلموووووووو